Het Geraardsbergse handschrift

Huygens ING > Elektronische edities > Geraardsbergen

Folium 108v, tekst 14

Vorig bladVolgend blad
  Scoene vrouwen sonder minnen   
  Ende den barbier vroet van sinne   
  Den maerte sonder vorst   
4 Den cok sonder dorst52  
  Den putier goedertiere   
  Den nayere sonder moy maniere   
  Den vlaminc sonder zweeren   
8 De smesse sonder niemare56  
  Ende quade wiue sonder scelden   
  Dese dinghen vintmen selden   
     
  Lancman onghemate vroet   
12 Cleene liede sonder oeghen moet60  
  Witte liede coene te male   
  Manne met wijfachtegher tale   
  Goet vruchtich sonder veisen   
16 Vossachteghe liede sonder quaet peinsen64  
  Stamelare sonder haestichede   
  Haesteghe liede met vrienthout mede   
  Sonder luxurie caluwen man   
20 Dits datmen selden vinden can68  
     
  Fransoise sonder ouermoet   
  Aelmanne sonder zweerde goet   
  Lombaerde sonder strijt   
24 Biddende oerdene sonder nijt72  
  Vulle scueren sonder muse   
  Vele wercken sonder confuse   
     
     
 Vorig bladVolgend blad