Het Geraardsbergse handschrift

Huygens ING > Elektronische edities > Geraardsbergen

Folium 126v, tekst 66

Vorig bladVolgend blad
  Hier vp sal berrende minne staen   
  Dats de rode roese schoene   
  Want gods minne sonder waen   
4 Es van allen duechden croene28  
     
  Een nachtegale sal hier singhen   
  Haer sanc die es den mensche weert   
  Dats datmen haestelic sal volbringhen   
8 Datmen weet dat god begheert32  
     
  De palmboem schoene ende groene ghedaen   
  Hi volcht hier naer des sijt wijs   
  De alle aenuechten conste wederstaen   
12 Met rechte droughe hi dat palme rijs36  
     
  Hier vp sal wassen een lelye wit   
  Dats een reyne herte fijn   
  Die dat wilt houden onbesmit   
16 God wil te male sijn eyghin sijn40  
     
  Hier vp sal vlieghen de edel aer   
  Die hoeghe anstarct der sonnen licht   
  Dats dat der zielen oeghen claer   
20 Altoes sta in gods ghericht44  
     
  Die edel balsem moet hier staen   
  Dats willich aermoede sijt seker des   
  Want cristus leert mi sonder waen   
     
     
 Vorig bladVolgend blad