Het Geraardsbergse handschrift

	Of ghi te zeere gheloeft hebt v selfs opinioen mesprisende
	ander lieden raet specialic in materien vanden gheloeue
	ende van religione want daer of commen onghelouicheden	32
4	touerien ende sotte gheloeuen

	Of ghi v weldaden vertrocken hebt met beroemen ende
	om ydele glorie ofte dat ghi v seluen ghelachtert hebt
	om datmen v houden soude voor oetmoedich ende deuoet	36

8	Of ghi v verblijt hebt in therte ofte met spraken van
	dat ghi eenich quaet ghedaen hebt ghelijc ofte ghi ye-
	ment bedroghen hadt ofte versmaedt ofte van dat ghi
	de macht hebt van quaet te doene bi v ofte biden huwen	40

12	Of ghi mespresen hebt v vpperste ende ouerhoerich spe-
	cialic huwen vaders weerlic ende gheestelic

	Of ghi gheloghen hebt in v biechte vut schaemten of
	van vare te segghene pleynlic huwe sonden ghelijc dat	44
16	ghi die ghedaen hebt . want also ware de biechte van
	gheender weerden ende hadt van nieus sonde ghedaen

	Of ghi hebt ghesocht excusatie van huwen sonden
	segghende dat v ghesellen hadden doen huwe sonde	48
20	doen doen hemlieden de schult daer of gheuende.

	Of ghi ghedoecht hebt by ouerhoericheden dat ghi ver-
	waten hebt gheweest . ofte dat ghi ghewandelt hebt