Het Geraardsbergse handschrift

		tgoede van yemene met quaden woorden van hem
		te segghene openbaerlic of heymelic pleinlic of by
		gheveinsder subtijlheit ghelijc duecht te helene of
4		sijn woorden ende ghewercken verkeeren in tquade	76

		Van gramschepen

	¶	Of ghi langhe hebt ghehouden v verbolschap jeghen
		yemene begheerende wrake om hem te ynderne by
8		v of by anderen by woorden of ghewercken	80

		Of ghi bi gramschepen of hatien hebt blaemtelic van
		yemen ghesproken hem scheldende of bespottende of
		dat ghine ghesleghen hebt of ghi hem yet hebt doen
12		verliesen ende of de ghene es clerc of priester	84

		Of ghi niet en hebt ghewilt vergheffenesse bidden
		den ghenen dien ghi mesdaen hebt specialec als sy
		v ondersaten niet en waren

16		Of ghi wapene hebt ghedreghen vp yemen te euelene	88

		Of ghi ontamelic yemene hebt ghedreecht zweerende
		dinghen die niet ghedoechlic of doenlic en waren te doene

		Of ghi ghereueleert of gheopenbaert hebt ander liede secreet

20		Of ghi niet en hebt willen vergheuen v gramscip of	92
		hatie den ghenen die v oetmoedelic vergheffenessen ghe-
		beden hebben