Het Geraardsbergse handschrift

	Of ghi simonie ghedaen hebt om v of om andre

	Of ghi ghewoekert hebt ende in wat manieren	120

	Of ghi v verzworen hebt om winninghe
4	Of ghi ghelaten hebt te deelene die goede ende almoese-
	nen die ghi schuldich waert te doene bi testamente
	of daer toe dat ghi ghestelt hebt gheweest	124

	Of ghi de wercken van ontfaermicheden hebt ghelaten
8	te doene alst van noede was ende te betaelne v tiende
	ende offrande

	Of ghi yemene valschelic ghevlateert hebt om tsine	128
	te hebbene of om te bedrieghene ende te bespottene

12	Of ghi hiet ghestolen hebt huwen maghen of huwen man
	of dat ghi v goedinghen onredelic verteert hebt ofte der
	ander liede	132
	Of ghi v verblijt hebt ofte dat ghi cause gheweest hebt
16	van ander lieden sonden of mesdaet om dat ghi daer an
	winnen sout ghelijc of si vochten ofte dinghden of dron-
	ken waren.	136

	Of ghi dieren tijt begheert hebt of ander liede doot
20	specialic van huwen maghen om haer goet te hebbene

	Of ghi yemene hebt doen verzweeren