Het Geraardsbergse handschrift

	Of ghi slapende gheuoelt hebt dese vule ghenouchte

	Of ghi vlesschelic gheselscip hebt ghehadt met yemene	188
	ende van wat state de persoen was of die maghet was ofte
4	ghehuwet of van huwen maechscepe ende in wat grade
	of die ghesacreert was of van religioene of van priester
	of die te v consent drouch ofte v wederseide of die was van	192
	v selfs state ende in wat manieren

8	Of ghi dese sonde ghedaen hebt anders dan natuere ghe-
	ordineert heeft of contrarie der heerbaerheden behoeren-
	de ten huwelike si in de daet of dat daer an cleuen mach	196
	van welker saken men bet besoucken mach in biechte-
12	ne dan claerder of te scriuene

	Of ghi sulke sonden ghedaen hebt vp hoeghe feesten of
	in ghewijde steden	200

	Of ghi eenighe vrucht belet hebt bi v of bi anderen of by
16	nauwe cledinghen

	Of ghi hebt ghewilt datmen v begheerde om v schoenheit
	contenantie vut nemende cleedinghe blanketten dan-	204
	sene of reyene of lonckelec aensiene

20	Of ghi in huwelike wederseit hebt de schult te huwen
	wiue sonder causen van siecheden of ander redene