| | | Na dat mi mijn sin toe sent | |
|
| | | Eist gherechticheit als ic versta | |
|
| | | Salich wijf volcht minen raden | |
|
| 4 | | Wildi wandelen de edele paden | 68 |
|
| | | Soe en toeghet niement loesen keere | |
|
| | | In woorden in wercken no in daden | |
|
| | | Sijt oemoedich simpil ende ghestade | |
|
| 8 | | Soe moechdi bliuen in vuuer eere | 72 |
|
| | | Hier biddic v in gherechter minnen | |
|
| | | Hebdit niet jnt herte binnen | |
|
| | | Sone toecht niement schoen ghelaet | |
|
| 12 | | In mercker gheene wijsheit jnne | 76 |
|
| | | Ghi moghet v eere daer met dinnen | |
|
| | | Ende oec mindren huwen staet | |
|
| | | | | |
| | | De vierde lettre bediet een i | |
|
| 16 | | Ende bediet dies vermetic my | 80 |
|
| | | Iubilatio in haer bediet | |
|
| | | Vele duechden jc segghe v twy | |
|
| | | Merckic daer in want sonder si | |
|
| 20 | | Eist bliscap ende anders niet | 84 |
|
| | | Goud seluer ende steine | |
|
| | | Es niet te prisene voor eene reyne | |
|
| | | Wijf daer es in alle weelde | |
|
| 24 | | Want alle vruechden die es cleyne | 88 |
|
| | | Die de weerelt heeft ghemeine | |
|
| | | Sonder in een wiuelike beelde | |
|
| | | Ic dart openbaer wel rueren | |
|
| | | | | |
| | | | | |
