| | | Hier naer volghen de properheden vanden
viere complexien ghedicht bi pieteren den brant
jnt jaer xiiiic ende xxxiii [83] | |
|
| | | | | |
| | | | | |
| 4 | ¶ | De fleurnatique hi es eerst cout | |
|
| | | Ende biden water ghecompareert | |
|
| | | Tvier heeft tswaters gheen ghewout | |
|
| | | Het stoet te verre alsmen ons leert | 4 |
|
| 8 | | Tweeste warf eerst jnt natte ghekeert | |
|
| | | Midts dat bider lucht dan si | |
|
| | | Soe wert die properheit ghemeert | |
|
| | | In swinters saisoen verstaet na mi | 8 |
|
| 12 | | Eerst es de flumatique cout hier bi | |
|
| | | Ende anderwerf nat hoe mens ghewaghe | |
|
| | | Verbeidende in saken slapende es hy | |
|
| | | Ledich lecker ende traghe | 12 |
|
| 16 | | Sins vreesende bi nachte ende bi daghe | |
|
| | | Scamel es hi oec bi maten | |
|
| | | Practiseren staet sinen behaghe | |
|
| | | Ende vredelic leuen werringhe laten | 16 |
|
| 20 | | Den slaep en wilt hi niet verhaten | |
|
| | | Want hi slaept langhe vele ende wel | |
|
| | | Seere ghevleescht es hi in maten | |
|
| | | Lettel gheerende der minnen spel | 20 |
|
| 24 | | Om sijn coutheit ende niet el | |
|
| | | Ende wel vermoghende om sijn natheit | |
|
| | | Dus doet hem dit te min ghequel | |
|
| | | Mits siere complexien hier voorseit | 24 |
|
| 28 | | Dits sijn natuere ter waerheit | |
|
| | | | | |
| | | | | |
